55 سببا للخيانة... برعاية حي الشيخ زايد!
سألتني صديقة ليه الراجل ممكن يخون مراته؟
> الخيانة مرض عند الرجل زي مرض الشوبنج عند الستات.
> مع العشيقة الرجل لا يحتاج لفياجرا، وإذا احتاجها بيكون ليها فايدة،أو كما قال الكاتب الساخرمحمد السيد محمد «إيش تعمل الفياجرا في الوش العكر».
> الست دايما بتتهم الراجل إنه خاين من غير مايخونها، فبيضطر يخونها؛ لأنه كده كده واخد اللقب.
> الراجل بيخون علشان الحب حاجة والجواز حاجة والجنس حاجة.
> الرجل بيخون؛ علشان كل المكتشفين العظماء كانوا رجاله.
> الرجل بيخون لأنه لا كرامة لنبي في وطنه، ولأن زمار الحي لا يطرب.
> الرجل بيخون علشان العشيقة فيها ميزة إنها غالبا مابتبانش.
> الرجل بيخون لأن الرجل زي الشجرة ماينفعش تشيل عصفورة واحدة.
> الرجل بيخون علشان مراته بتقرف.
> الرجل بيخون لأن الستات عموما بتحب الراجل الواطي وهو بيجتهد علشان يخليها تحبه.
> الرجل بيخون لأن مراته كتير بتتهمه إنه قاعد في البيت مابيعملش حاجة.
> الراجل بيخون علشان مراته مابتدخلش السرير غير لما تحس إنها تعبانة وعايزة تنام.
> الرجل بيخون عشان اكتشف واحدة بتعرف تعمل مساج.
> الرجل بيخون مراته عشان بقاله كذا سنه بيحاول يعرف هي بتبقي مبسوطه معاه ولا لأ ومابيعرفش.
> الأمر الذي يعني أن الخيانة عند الرجل أحيانا بتكون مجرد إختبار ذكورة.
> الرجل بيخون مراته لأنها بترفض تاخد دش معاه.. وأحيانا بترفض تاخد دش أصلا.
> الرجل بيخون مراته لما يحس إنها زهقت وبتلمح بالطلاق، بيخونها علي سبيل تشجيعها علي إتخاذ القرار.
> الرجل بيخون مراته لأنه يجد عند العشيقة قدرا من المياصة والتلميحات الجنسية، التلميحات الوحيدة التي يجدها الرجل عند زوجته هي تلميحات بخصوص مصاريف البيت.
> الرجل بيخون مراته علشان لما قالها عايز اتجوزك ونعيش مع بعض ونكبر مع بعض ماكانش يعرف إنها هتكبر أسرع منه.
> الرجل بيخون مراته علشان بتبقي حامل بالتسع شهور.
> الرجل بيخون مراته لأنه بطبيعته مغامر وعاشق للتحديات.
> الرجل بيخون مراته لأنه بيحترمها زيادة عن اللزوم.. بيحترمها للدرجة اللي تخليه بيتكسف يقول لها «ماتقومي ترقصي شوية».
> الرجل بيخون مراته علشان يتعلم حاجات تنفعهم هما الاتنين.
> الرجل بيخون مراته عشان كان فاكر نفسه اتجوز واحدة زي أمه لحد ما مراته ابتدت تلبس في البيت ترنجات زي اللي كان بيلبسها أبوه.
> الرجل بيخون مراته عشان بتفضل تقول هاخس هاخس..ومابيحصلش.
> الرجل بيخون مراته عشان فيه جزء من ملابسها بيفكره بحبل الغسيل بتاع جدته.
> الرجل بيخون زوجته لأنها بتبرر عصبيتها دائما بالدورة الشهرية..الرجل بيفتكر إن الموضوع ده مابيخلصش عشان مراته عصبية طول الوقت.
> الرجل بيخون مراته عشان يتأكد إنه بيحبها.
> الرجل بيخون عشان عشيقته لما بترقص بترجع له ثقته في نفسه،لكن مراته لما بترقص بتخليه يفصل من كتر الضحك.
> الرجل بيخون مراته عشان بتاخد ساعة علشان تجهز وبعد الساعة بيلاقيها زي الأول برضه.
> الرجل بيخون مراته علشان يقلل المسئوليات اللي عليها.
> الرجل بيخون مراته بدل ما حد تاني يخونها.
> الرجل بيخون مراته عشان احنا عايشين في مجتمع ذكوري.
> الرجل بيخون مراته عشان عشيقته مابتطلبش تطفي النور.
> الرجل بيخون مراته عشان كده كده كان بيخون قبل الجواز.. إيه اللي اتغير يعني؟
> الرجل بيخون مراته علشان كان في الأول بيبعدها عن حضنه عشان يعرف ينام ساعتين،ودلوقتي بقت هي اللي بتبعده.
> الرجل بيخون مراته علشان متاكد إنها بتحبه وهتسامحه.
ليست هناك تعليقات:
إرسال تعليق